বানাক্ৰান্তৰ বাবে ওলাই আহিল পাঠশালা জুবিন ফেন ক্লাৱ আৰু কহিনুৰ থিয়েটাৰ

বজালী: ৰাজ্যত বানে ধাৰণ কৰিছে সংহাৰী ৰূপ। বানাক্ৰান্তক চৰকাৰে সাহায্য প্ৰদান কৰাত ব্যৰ্থ হোৱাত বানাক্ৰান্তসকলৰ বাবে ওলাই আহিছে শিল্পী সমাজৰ লগতে কহিনুৰ থিয়েটাৰৰ কলা কুশলীসকল।পাঠশালা নগৰৰ বিভিন্ন ব্যৱসায়িক প্ৰতিষ্ঠানলৈ গৈ শিল্পী কলা-কুশলীসকলৰ লগতে পাঠশালা জুবিন গাৰ্গ ফেন ক্লাৱৰ দলটোৱে বিভিন্ন খাদ্য সামগ্ৰী, কাপোৰ, টকা সংগ্ৰহ কৰে আৰু এই বান সাহায্যসমূহ বজালীৰ বিভিন্ন বানাক্ৰান্ত লোকসকলৰ মাজত বিতৰণ কৰে।

এই বান সাহায্য সংগ্ৰহ কৰা কাৰ্যত কহিনুৰ থিয়েটাৰৰ বলিষ্ট অভিনেতা দেবজিৎ মজুমদাৰ, অৰূপ বৈশ্য, জনপ্ৰিয় অভিনেত্ৰী শৰ্মিষ্ঠা চক্ৰৱৰ্তী প্ৰমুখ্যে পাঠশালা জুবিন গাৰ্গ ফেন ক্লাৱৰ সাধাৰণ সম্পাদক মৃন্ময় পাঠক, উপদেষ্টা চলমান আহমেদ, যাত্ৰা পেজৰ নয়ন নিবীড়ৰৰ লগতে ভালেকেইজন স্থানীয় সমাজকৰ্মী যুৱকে অংশগ্ৰহণ কৰে।