শিমলুগুৰিত ৰে’লে মহতিয়ালে মাৰুতি ভান

নাজিৰাঃ শিৱসাগৰ জিলাৰ শিমলুগুৰি মাউৎ গাঁ‌ৱৰ ৰে’ল পথত আজি বিয়লি সংঘটিত হয় এক ভয়ংকৰ দুৰ্ঘটনা। নামনি মুৱা অৱধ আচাম  ৰে’লে মহতিয়াই নিলে এখন মাৰুতি ভান। দুৰ্ঘটনা ইমানেই ভয়ংকৰ আছিল যে ৰে’লৰ খুন্দাত মাৰুতি ভানখন চূৰ্ণ-বিচূৰ্ণ হৈ পৰে।

উক্ত দুৰ্ঘটনা সংঘটিত হোৱা ঠাইত স্থানীয় ৰাইজে নিৰাপদৰ বাবে ৰে’ল গেইটৰ বাবে বাৰম্বাৰ ৰে’লৱে কৰ্তৃপক্ষক দাবী কৰি আহিছিল যদিও আজি পৰ্যন্ত ৰে’লৱে কৰ্তৃপক্ষই এই ক্ষেত্ৰত কোনো ধৰণৰ যাৱতীয় ব্যৱস্থা গ্ৰহণ কৰা দেখা নগ'ল। স্থানীয় ৰাইজৰ ভাষ্য অনুসৰি ভানখনত আছিল তিনিজন ব্যক্তি৷ এই তিনিজন ব্যক্তিৰো কথমপিহে প্ৰাণ ৰক্ষা পৰে৷ মাৰুতি ভানখনৰ নম্বৰ আছিল AS04R4921। অৱশ্যে কোনো লোক এই দুৰ্ঘটনাত হতাহত হোৱা নাই।