বন্যাৰ্তৰ কাষত নলীগাঁও আদৰ্শ ছ’চাইটি এণ্ড লাইব্ৰেৰী

বৰপেটাঃ বৰপেটা জিলাৰ সৰুক্ষেত্ৰী বিধানসভা সমষ্টিৰ অন্তৰ্গত নলীগাঁৱৰ "নলীগাঁও আদৰ্শ ছ’চাইটি এণ্ড লাইব্ৰেৰীৰ সদস্যসকল থিয় দিছে বন্যাৰ্তৰ কাষত। ভয়ংকৰ বানৰ ফলত গৃহহাৰা হৈ আশ্ৰয় শিবিৰত থকা লোকসকলক সাহায্য প্ৰদান কৰে নলীগাঁও আদৰ্শ ছ’চাইটি এণ্ড লাইব্ৰেৰীৰ সদস্যসকলে। নলীগাঁৱৰ ৮১২ নং নলীগাঁও প্ৰাথমিক বিদ্যালয়ৰ আশ্ৰয় শিবিৰত থকা প্ৰায় ৬০ গৰাকী পুৰুষ-মহিলাক চিৰা, চেনী, পানী, বিস্কুট, চাবোন, চাহপাত আদি খাদ্যবস্তু প্ৰদান কৰে।

ইফালে নলীগাঁও অংগনবাড়ী কেন্দ্ৰৰ পৰা শিবিৰটোত থকা শিশুসকলক খাদ্য প্ৰদান কৰে। সমান্তৰালকৈ ৰাজ্যৰ বিভিন্ন প্ৰান্তত থকা অনুষ্ঠান-প্ৰতিষ্ঠানসমূহক বন্যাৰ্তক সহায়ৰ বাবে আগবাঢ়ি আহিবলৈ আহ্বান জনায়।