বন্যাৰ্তৰ বাবে ক্ৰিকেটাৰ ৰিয়ান পৰাগৰ ১ লাখ টকাৰ অনুদান

ডিজিটেল ডেস্কঃ ৰাজ্যত বানৰ বিভীষিকা এতিয়াও অব্যাহত। তাৰমাজতে বন্যাৰ্তসকলৰ বাবে প্ৰতিভাৱান ক্ৰিকেটাৰ ৰিয়ান পৰাগে ল’লে এক প্ৰশংসনীয় পদক্ষেপ। ৰাজ্যৰ বানাক্ৰান্তসকলৰ বাবে ৰিয়ান পৰাগে দিলে ১ লাখ টকাৰ অনুদান । মুখ্যমন্ত্ৰী সৰ্বানন্দ সোণোৱালক ক্ৰিকেটাৰগৰাকীয়ে প্ৰদান কৰিলে চেক।

ৰিয়ানক ফেচবুকযোগে ধন্যবাদ জ্ঞাপন কৰি মুখ্যমন্ত্ৰীয়ে ফেচবুকত লিখিলে- ‘মুখ্যমন্ত্ৰীৰ সাহায্য পুঁজিলৈ ১ লাখ টকাৰ বৰঙণি আগবঢ়োৱাৰ বাবে উদীয়মান ক্ৰিকেটাৰ ৰিয়ান পৰাগলৈ ধন্যবাদ।’ ‘বানাক্ৰান্ত ৰাইজৰ সহায়ৰ বাবে যুৱপ্ৰজন্মই উদ্যমেৰে আগবাঢ়ি আহি সমাজলৈ এক ইতিবাচক বাৰ্তা কঢ়িয়াই আনিছে।’