লংকাত ৰে'লৰ খুন্দাত নিহত এজন যুৱকঃ উদ্ধাৰ হোৱা নাই মৃত যুৱকজনৰ পৰিচয়

লংকাঃ হোজাই জিলাৰ লংকাত ৰে'লৰ খুন্দাত নিহত এজন যুৱক। বৰ্তমানো উদ্ধাৰ হোৱা নাই মৃত যুৱকজনৰ পৰিচয়। ঘটনা সন্দৰ্ভত জানিব পৰা মতে, পুৱাই লংকা আৰু হাৱাইপুৰ ৰে'ল ষ্টেচনৰ মাজত দুই টুকুৰা অৱস্থাত এজন যুৱকৰ মৃতদেহ স্থানীয় ৰাইজে প্ৰত্যক্ষ কৰি লংকা ৰে’ল ষ্টেচন তথা ৰেল আৰক্ষীক খবৰ দিয়ে যদিও বৰ্তমানলৈকে ২ ঘণ্টা পাৰ হৈ যোৱাৰ পিছতো ঘটনাস্থলীত উপস্থিত হোৱা নাই লংকা ৰেল আৰক্ষীৰ লোক।

আনহাতে আকৌ ৰে’লৰ কেৰিং বিভাগত কৰ্মৰত কৰ্মচাৰীয়েও লংকা ৰেল ষ্টেচনৰ আৰক্ষীক খবৰ দিয়াৰ পিছতো ঘটনাস্থলীত উপস্থিত নহ’ল লংকা ৰে’ল কৰ্তৃপক্ষ। উল্লেখ্য যে, মৃতদেহটোৰ ওপৰেদিয়েই পাৰ হৈ গৈ আছে এখনৰ পিছত আনখন ৰেল গাড়ী। নিশা কোনো ৰে’লৰ খুন্দাত যুৱকজনৰ মৃত্যু হয় বুলি সন্দেহ।