হোজাইত ট্ৰাকসহ ২ গৰু চোৰ আটক

হোজাইঃ অপৰাধীৰ ৰম্যভূমিত যেন পৰিণত হৈছে হোজাই জিলা। হোজাই জিলা প্ৰশাসনৰ মৌনতাৰ সুযোগ গ্ৰহণ কৰি হত্যা, লুণ্ঠন, চুৰি আদি দিনক দিনে বৃদ্ধি পাব ধৰিছে। AS 01 JC 3981 নম্বৰৰ ট্ৰাকখনেৰে চোৰাং গৰু কঢ়িয়াই লৈ যাওঁতে মোৰাজাৰ আৰক্ষীয়ে এক গোপন সূত্ৰৰ পম খেদি মোৰাজাৰৰ পদুমপুখুৰীৰ পৰা আটক কৰে চোৰাং গৰুভৰ্তি এই ট্ৰাকখন।

লগতে গাড়ীখনত থকা বাহাৰ উদ্দিন আৰু মুফিদুল হক নামৰ দুটা গৰু চোৰক আটক কৰিবলৈ সক্ষম হয়। আৰক্ষীয়ে চোৰ দুটাক জেৰা চলাই আছে যদিও কোন কোন এই বৃহৎ গৰুৰ চুৰি চক্ৰৰ লগত জড়িত আৰক্ষীৰ তদন্তত হে স্পষ্ট হ’ব।