কৰ্মৰত অৱস্থাতে বিদ্যুৎস্পৃষ্ট হৈ মৃত্যু ছেৰফাংগুৰীৰ যুৱক

বিলাসীপাৰাঃ সাপটগ্ৰামত বিদ্যুৎ বিভাগৰ চৰম গাফলতিৰ নগ্ন ছবি। ধুবুৰীৰ সাপটগ্ৰামত বিদ্যুৎ বিভাগৰ অস্থায়ী কৰ্মীৰ মৃত্যু। বিদ্যুৎ কৰ্তন নকৰাকৈ ঠিকাদাৰ কৃষ্ণ শাহাৰ লগতে বিদ্যুতৰ কাম কৰি থকা অবস্থাত বিদ্যুৎস্পৃষ্ট হৈ কৰুণ মৃত্যু হয় ছেৰফাংগুৰীৰ নূৰ আলোম শেখ (২২) নামৰ যুৱকজনৰ।

সাপটগ্ৰাম বিদ্যুৎ উপ সংমণ্ডলৰ চৰম অবহেলা আৰু গাফলতিৰ বাবে বিদ্যুৎ বিভাগৰ অস্থায়ী কৰ্মীৰ মৃত্যু হোৱা বুলি ৰাইজে অভিযোগ কৰিছে। নূৰ আলোম শেখৰ কৰুণ মৃত্যুত গভীৰ শোঁকৰ ছাঁ পেলাইছে সমগ্ৰ ছেৰফাংগুৰী অঞ্চলত।