বৰপেটাৰ বিভিন্ন আশ্ৰয় শিৱিৰত বান সাহায্য বিতৰণ সুৰক্ষা ছেৰিটেবল ট্ৰাষ্টৰ

বৰপেটাঃ বৰপেটাৰ বিভিন্ন অঞ্চলৰ বানাক্ৰান্তৰ কাষত উপস্থিত হৈ বান সাহায্য বিতৰণ কৰে স্বেচ্ছাসেৱী সংস্থা "সুৰক্ষা ছেৰিটেবল ট্ৰাষ্ট"-এ। বৰপেটা আৰু বজালী মহকুমাৰ বিভিন্ন আশ্ৰয় শিৱিৰত উপস্থিত হৈ সংস্থাটোৱে বানাক্ৰান্তৰ মাজত বিতৰণ কৰিছে বিভিন্ন ধৰণৰ খাদ্য সামগ্ৰী। বৰপেটাৰ নগাঁৱৰ কেইবাটাও শিৱিৰত উপস্থিত হৈ বিভিন্ন ধৰণৰ সামগ্ৰীৰ লগতে শিশু খাদ্যও বিতৰণ কৰে সংস্থাটোৱে।

তাৰ পিছতে ৰাজ্যত সৃষ্টি হোৱা প্ৰলয়ংকৰী বানত সৰ্বস্বান্ত হোৱা লোকৰ কাষত সকলোকে থিয় হৈ সহায় কৰাৰ আহ্বান জনায় সুৰক্ষা ছেৰিটেবল ট্ৰাষ্টৰ ভেইৰু কুমাৰ শৰ্মা আৰু হৰিশ আগৰৱালাই। অসুবিধাত ভূগি থকা লোকক উপযুক্ত পৰিৱেশ দিয়াৰ বাবে সকলো সংস্থাক ওলাই অহাৰো আহ্বান জনায় তেওঁলোকে। সাহায্য বিতৰণত সংস্থাটোৰ অন্যান্য বিষয়াসকল উপস্থিত থাকে।