হাউলীত চুৰি হোৱা ট্ৰাক সৰভোগত উদ্ধাৰ

হাউলীঃ বৰপেটা জিলাৰ হাউলীৰ মৈৰামাৰা আমতলৰ পৰা সোমবাৰে নিশা চুৰি হোৱা ট্ৰাক এখন আজি পুৱাই হাউলী আৰক্ষীয়ে উদ্ধাৰ কৰিবলৈ সক্ষম হয়। জানিব পৰা মতে এএচ ০৯এচি ০৬৪৬ নম্বৰৰ ট্ৰাক খন আজি পুৱাই ট্ৰাকখনৰ মালিকে ইফতিকাৰ আলমে ট্ৰাকখন ৰখাই থোৱা ঠাইত দেখা নাপাই হাউলী আৰক্ষীক অৱগত কৰে।

আৰক্ষীয়ে যুদ্ধকালিন তৎপৰতাৰে অভিযান চলাই হাউলী আৰক্ষী থানাৰ ভাৰপ্ৰাপ্ত বিষয়া পংকজ দাসৰ নেতৃত্বত এটি দলে ট্ৰাকসহ চোৰ এজনক সৰভোগৰ পৰা আটক কৰিবলৈ সক্ষম হয়। ধৃত ট্ৰাক চোৰ আফছেৰ আলীক হাউলী থানাত জেৰা অব্যাহত ৰাখিছে। উল্লেখ্য যে ট্ৰাকখন বান সাহায্যৰ বাবে ৰখাই থোৱা আছিল। হাউলী আৰক্ষীৰ এনে সাফল্যক স্থানীয় ৰাইজে সন্তোষ প্ৰকাশ কৰিছে।