হাউলীঃ বৰপেটা জিলাৰ হাউলী আৰক্ষী থানাত আজি দিনৰ ১ বজাৰ পৰা জিলাখনৰ আৰক্ষী অধীক্ষকৰ উপস্থিতিত আৰু হাউলী আৰক্ষী থানাৰ ভাৰপ্ৰাপ্ত আৰক্ষী বিষয়া পংকজ দাসৰ সহযোগত গাঁওৰক্ষী বাহিনীৰ সভাপতি তথা সম্পাদকক লৈ এখন গুৰুত্বপূৰ্ণ সভা অনুষ্ঠিত হয়। উক্ত অনুষ্ঠানটিত জিলা আৰক্ষীৰ আয়ুক্ত, বিশেষ শাখাৰ অধীক্ষক, আৰক্ষী চক্ৰ পৰিদৰ্শক উপস্থিত থাকি হাউলী আৰক্ষী থানাৰ অধীনস্থ সমূহ গাঁওৰক্ষী বাহিনীৰ সভাপতি/সম্পাদকলৈ কৰ্তব্যত ব্যৱহাৰিত নিত্য প্ৰয়োজনীয় সামগ্ৰী ৬২ টা ৰেইন কোট,টৰ্চ লাইট, আঁঠুৱা, বাঁহী আদি বিতৰণ কৰে।
ইয়াৰ উপৰি জিলা আৰক্ষী অধীক্ষক ড০ ৰবীন কুমাৰে সকলো গাঁওৰক্ষী বাহিনীৰ সদস্যসকলক উদ্দেশ্যি কয় যে আগন্তুক স্বাধীনতা দিৱসৰ প্ৰাকক্ষণত যাতে কোনো ধৰণৰ কূটাঘাতমূলক কাৰ্য সংঘটিত নহয় তাৰবাবে নজৰ দিবলৈ কয়। আনকি আৰক্ষী থানাৰ লগত এই সংক্ৰান্তত যোগাযোগ কৰিবলৈয়ো আহ্বান জনায় জিলা আৰক্ষী অধীক্ষকে।
