বৰপেটাত সমাজকৰ্মী উত্তম ঘোষৰ আঠুৱা বিতৰণ

বৰপেটাঃ সমাজকৰ্মী উত্তম ঘোষে আজি বৰপেটা চহৰত বিতৰণ কৰে আঠুৱা। বৰপেটা চহৰত বানপানীত ক্ষতিগ্ৰস্থ হোৱা পৰিয়ালক সমাজকৰ্মীগৰাকীয়ে নিজা প্ৰচেষ্টাত এই আঠুৱা বিতৰণ কৰে। বন্যাৰ্তই যাতে জাপানীজ এনকেফেলাইটিচ ৰোগত আক্ৰান্ত নহয় তাৰ প্ৰতি লক্ষ্য ৰাখি এই আঠুৱা বিতৰণ কৰা বুলি তেওঁ কয়।

সমাজকৰ্মীগৰাকীয়ে আজি চহৰখনৰ প্ৰায় দুশ পৰিয়ালক আঠুৱা বিতৰণ কৰে৷ উল্লেখ্য যে সমাজকৰ্মী উত্তম ঘোষে এইবাৰ বানপানীত আশ্ৰয় শিবিৰে শিবিৰে গৈ চাউল, দালি, বিস্কুট আদি খাদ্য সামগ্ৰী বিতৰণ কৰিছিল। অচিৰেই কিছু ঠাইত স্বাস্থ্য পৰীক্ষা শিবিৰ অনুষ্ঠিত কৰিব বুলি তেওঁ সংবাদ মাধ্যমক জানিবলৈ দিয়ে।