দলগাঁৱত পুখুৰীত বিষক্ৰিয়াঃ কুইণ্টলে কুইণ্টলে মৰিল মাছ

দলগাঁওঃ দলগাঁও সমষ্টিৰ অন্তর্গত বাগিচাকাষ গাঁৱৰ "গৰংগ সমবায়ৰ সমিতি কৃষিপাম"ৰ নামত থকা প্ৰায় ৩০ বিঘা মাটিৰ পুখুৰীৰ পানী বৃহস্পতিবাৰে হঠাৎ ৰঙা হৈ পৰে আৰু তিনি-চাৰি কেজি ওজনৰ কুইণ্টলে কুইণ্টলে মাছ মৃত্যু মুখত পৰে। পুখুৰীটোৰ তত্বাৱধানত থকা সমবায়ৰ লোকে জানিবলৈ দিয়া মতে প্ৰায় ১৫ লাখ টকা মূল্যৰ মাছ ক্ষতি হয়।

তেওঁলোকৰ সন্দেহ কোনোবা দুষ্ট লোকে বিষক্ৰিয়া ঘটাই মাছসমূহ নিধন কৰে। ঘটনা সন্দৰ্ভত দলগাঁও থানাত এখন এজাহাৰ দাখিল কৰিছে পুখুৰীটোৰ দায়িত্বত থকা সমবায় সমিতিয়ে। উক্ত ঘটনাক কেন্দ্ৰ কৰি অঞ্চলটোত তীব্ৰ প্ৰতিক্ৰিয়া সৃষ্টি হৈছে।