সদ্যপ্ৰয়াত সুষমা স্বৰাজৰ প্ৰতি শ্ৰদ্ধাঞ্জলি

জাগীৰোডঃ জাগীৰোড আৰক্ষী চকীৰ সমীপত থকা পুলিচ পইণ্টত ভাৰতীয় জনতা পাৰ্টীৰ মায়ং মণ্ডল যুৱ মৰ্চাৰ উদ্যোগত বৃহস্পতিবাৰে সন্ধিয়া ভাৰতৰ প্ৰাক্তন বৈদেশীক মন্ত্ৰী সুষমা স্বৰাজৰ প্ৰতি শ্ৰদ্ধাঞ্জলি জনোৱাৰ উদ্দেশ্যৰে বন্তি প্ৰজ্জলন কাৰ্য্যসূচী অনুষ্ঠিত কৰা হয়।

বন্তি প্ৰজ্জলন কাৰ্য্যসূচীত উপস্থিত থাকে ৰাজ্যিক স্বাস্থ্য মন্ত্ৰী পিযুষ হাজৰিকাৰ হৈ প্ৰতিনিধি অপূৰ্ব ডেকা, ধৰমতুল জিলা পৰিষদৰ সদস্য প্ৰল্লৱ বৰদলৈ, ভাজপাৰ মায়ং মণ্ডলৰ সভাপতি ভৱেশ সৰকাৰ, যুৱ মৰ্চাৰ সম্পাদক তপন কুমাৰ ডেকা, দেউশাল পঞ্চায়তৰ আঞ্চলিক সদস্য দেৱাশীষ দাস, যুৱ মৰ্চা, মহিলা মৰ্চাৰ প্ৰতিনিধিসকল।