মৰিয়নীত এজাক বৰষুণতে বুৰ গ’ল মৰিয়নীৰ বৃহৎ অঞ্চল

মৰিয়নীঃ শুকুৰবাৰে নিশাৰ ভাগত অহা এজাক বৰষুণতে মৰিয়নীৰ লগতে নকছাৰি, নিউসোণোৱাল, নগাধূলী, হাতীপটি আদি কৰি নগৰখনৰ ৫ টা ৱাৰ্ডৰ বিভিন্ন অঞ্চলত কৃত্ৰিম বান সৃষ্টি হয়৷ ফলস্বৰূপে বহুত ঠাইত থকা মিলৰ মূল্যবান সামগ্ৰী নষ্ট হয়৷ ছাত্ৰ-ছাত্ৰীসকল বিদ্যালয়-মহাবিদ্যালয়লৈ ওলাই আহি ৰাজপথত আৱদ্ধ হৈ পৰে৷ স্থানীয় ৰাইজে মৰিয়নী পৌৰনিগমৰ পৌৰপতি আৰু ৱাৰ্ড কমিচনাৰক অভিযোগ দিয়াৰ পাছতো কোনো ধৰণৰ ব্যৱস্থা গ্ৰহণ নকৰাৰ অভিযোগ কৰে৷