হাউলীঃ বৰপেটা জিলাৰ হাউলী নগৰৰ বিশিষ্ট নাগৰিক, সমাজ কৰ্মী তথা অসম ৰাজ্যিক পৰিবহন নিগমৰ অৱসৰপ্ৰাপ্ত কৰ্মচাৰী আবুল হুছেইনৰ উচ্চ ৰক্তচাপজনিত ৰোগত আক্ৰান্ত হৈ গুৱাহাটীৰ এখন ব্যক্তিগত নাৰ্চিং হোমত চিকিৎসাধীন হৈ থকা অৱস্থাত আজি দিনৰ এঘাৰ বজাত পৰলোকপ্ৰাপ্তি ঘটে। মৃত্যুৰ সময়ত তেওঁৰ বয়স হৈছিল ৮২ বছৰ। তেখেতে মৃত্যুৰ আগমুহূৰ্তলৈকে অঞ্চলটোৰ বিভিন্ন সামাজিক আৰু ধৰ্মীয় অনুষ্ঠান-প্ৰতিষ্ঠানৰ লগত ওতঃপ্ৰোতভাবে জড়িত আছিল।
হুছেইনৰ মৃত্যুত অঞ্চলজুৰি শোকৰ ছাঁ পৰিছে| তেওঁ মৃত্যুৰ সময়ত চাৰি পুত্র, চাৰি কন্যাসহ বহুতো আত্মীয় স্বজন ইহ সংসাৰত এৰি থৈ যায়| তেখেতৰ মৃত্যুত বৰপেটা জিলা আমছুৰ সভাপতি নজৰুল ইছলাম, উপ সভাপতি আঃজুব্বাৰ আলী, সম্পাদক আফজালুৰ ৰহমান, হাউলী আঞ্চলিক আমছুৰ সভাপতি নুৰ উদ্দিন, কাৰ্যকৰী সভাপতি আজিজুৰ ৰহমান, হাউলীস্থ ভৱানীপুৰ ব্লক গ্ৰাম উন্নয়ন সমিতিৰ সভাপতি ছফিউৰ ৰহমান, সাংবাদিক দিদাৰ হুছেইনকে ধৰি ভালেমান ব্যক্তিয়ে গভীৰ শোক প্ৰকাশ কৰি শোক সন্তপ্ত পৰিয়াল বৰ্গলৈ সমবেদনা জ্ঞাপন কৰিছে।
