শিৱসাগৰত বৃদ্ধাৰ আত্মহত্যাঃ পুত্ৰই হত্যা কৰাৰ সন্দেহ ৰাইজৰ

শিৱসাগৰঃ শিৱসাগৰৰ দৰবাৰ ফিল্ড তিনিআলিৰ পথৰ কাষত জুপুৰীসদৃশ ঘৰত পাণ তামোলৰ দোকান দি নিজ পুত্ৰৰ সৈতে জীৱন নিৰ্বাহ কৰা বুলবুলি বেগম নামৰ বৃদ্ধাগৰাকীৰ নিজ গৃহতে ওলমি থকা অৱস্থাত মৃতদেহ উদ্ধাৰ হোৱাত প্ৰতিক্ৰিয়াৰ সৃষ্টি হৈছে। তদুপৰি মৃতদেহৰ মূৰত আঘাতৰ চিন স্পষ্টকৈ দেখা পোৱাৰ লগতে তেজ বৈ থকালৈ চাই স্থানীয় ৰাইজে এইয়া এক হত্যাকাণ্ড বুলি সন্দেহ প্ৰকাশ কৰিছে।

লগতে এই জঘন্য হত্যাকাণ্ড মহিলাগৰাকীৰ পুত্ৰ আবুলে সংঘটিত কৰি আত্মহত্যাৰ ৰূপ দিয়াৰ চেষ্টা কৰাৰ অভিযোগ স্থানীয় ৰাইজৰ। শিৱসাগৰ আৰক্ষীয়ে মৃতদেহ মৰণোত্তৰ পৰীক্ষাৰ বাবে শিৱসাগৰ অসামৰিক চিকিৎসালয়লৈ প্ৰেৰণ কৰাৰ লগতে মহিলাগৰাকীৰ পুত্ৰ আবুলক হত্যাৰ সন্দেহত আটক কৰে।