বৰপেটাৰ পূৱ প্ৰান্তৰ বিভিন্ন অঞ্চলত ঈদৰ নামাজ সম্পন্ন

পূৱ বৰপেটাঃ বৰপেটা জিলাৰ পূৱ প্ৰান্তৰ মাজদিয়া, চেঙা, কুকাৰপাৰ মিলন আঞ্চলিক ঈদগাহ ময়দানত উলহ মালহেৰে পবিত্ৰ ত্যাগৰ উৎসৱ ঈদ উল আজাহাৰৰ নামাজ সমাপন কৰে। উক্ত নামাজত ইমামতি কৰে হাফিজ বছিৰ আহমেদ কাছিমীয়ে৷ শেষত বিশ্বৰ শান্তিৰ লগতে অসমৰ সৰ্বাঙ্গীন উন্নতিৰ হকে দোৱা কৰে। উল্লেখনীয় যে এই ময়দানত কেইবাখনো ৰাজহ গাঁৱৰ ৰাইজে বছৰ বছৰ ধৰি দুয়োটা ঈদৰ নামাজ সমাপন কৰি আহিছে।