মৰিগাঁৱৰ লাহৰীঘাটত ঈদৰ দিনাই অঘটন

লাহৰীঘাটঃ ঈদ উল আজহাৰ দিনাই মৰিগাঁও জিলাৰ লাহৰীঘাট আৰক্ষী থানাৰ অন্তৰ্গত ধোৱানকাটি গাঁৱত সংঘটিত হ’ল এক অঘটন। নামাজ পঢ়ি নিজৰ শহুৰেকৰ ঘৰত ঈদৰ নিমন্ত্ৰণ গ্ৰহণ কৰিবলৈ যোৱাই কাল হ’ল এজন ৫৫ বছৰীয়া বৃদ্ধাৰ। ধোৱানকাটি গাঁৱৰ নুৰ হাছেন (৫৫)নামৰ লোকজনে নিজৰ শহুৰেকৰ ঘৰলৈ যাবলৈ নাছিল কোনো ধৰণৰ ৰাস্তা ঘাট।

কাৰণ শেহতীয়াকৈ লুইতৰ বলিয়া বানে তচ-নচ কৰি পেলাইছিল সকলো ৰাস্তা ঘাট। বানে ছিঙা ৰাস্তা সাতুৰি পাৰ হ'বলৈ যাওঁতেই কৰুণ মৃত্যুক সাৱটি ল’বলগীয়া হয় ৫৫ বছৰীয়া বৃদ্ধজনে। এছডিআৰএফ বাহিনীয়ে উদ্ধাৰ অভিযান চলাই আজি ব্যক্তিজনৰ মৃতদেহ উদ্ধাৰ কৰিবলৈ সক্ষম হয়।