হাউলীঃ সমগ্ৰ বৰপেটা জিলাখনৰ লগতে হাউলীতো ৭৩ সংখ্যক স্বাধীনতা দিৱস উলহ-মালহেৰে পালন কৰা হয়। পুৱা হাউলী পৌৰ সভাৰ কাৰ্যালয়ত ৰাষ্ট্ৰীয় পতাকা উত্তোলন কৰে বৰপেটা জিলাৰ অতিৰিক্ত উপায়ুক্ত তথা পৌৰ সভাৰ কাৰ্যবাহী বিষয়া সাধন সৰকাৰে।
ইপিনে হাউলী আৰক্ষী থানাত ভাৰপ্ৰাপ্ত বিষয়া পংকজ দাস, হাউলীস্থ ভৱানীপুৰ প্ৰাথমিক শিক্ষাখণ্ডৰ কাৰ্যালয়ত ভাৰপ্ৰাপ্ত শিক্ষা বিষয়া লীলাধৰ দাস, হাউলীস্থ ভৱানীপুৰ খণ্ড উন্নয়ন বিষয়াৰ কাৰ্যালয়ত খণ্ড উন্নয়ন বিষয়া ভাস্কৰ চক্ৰৱৰ্তী, হাউলী উচ্চতৰ মাধ্যমিক বিদ্যালয়ত ভাৰপ্ৰাপ্ত অধ্যক্ষ আব্দুচ ছবুৰ, হাউলী সমূহীয়া স্বাস্থ্য কেন্দ্ৰত ভাৰপ্ৰাপ্ত বিষয়া ভূপেশ চৌধুৰী, হাউলী ৰাজ্যিক স্বাস্থ্য কেন্দ্ৰত মফিদা খাতুন, হালাপাকুৰি হাই মাদ্ৰাছাত ভাৰপ্ৰাপ্ত অধীক্ষক ৰমজান আলী আহমেদ, হাউলী চণ্ডী বৰুৱা প্ৰাথমিক বিদ্যালয়ত প্ৰধান শিক্ষক ৰমজান আলী আহমেদ, হাউলীস্থ জিলা আমছুৰ কাৰ্যালয়ত বৰপেটা জিলা আমছুৰ উপদেষ্টা ছাদেৰ আলী আহমেদ, ইটাৰভিটা হেলনাৰপামৰ জামিয়া ইছলামীয়া ছালাফিয়া আৰবী কলেজত পৰিচালনা সমিতিৰ সভাপতি জামাল উদ্দিন ছালাফী, হাউলীস্থ পূৱ বৰপেটা ছচিয়েল ওৱেলফেয়াৰ ছ’চাইটিৰ কাৰ্যালয়ৰ সন্মুখত হাউলীস্থ ভৱানীপুৰ ব্লক গ্ৰাম উন্নয়ন সমিতিৰ সভাপতি ছফিউৰ ৰহমানে ৰাষ্ট্ৰীয় পতাকা উত্তোলন কৰে।
ইয়াৰ পিছতেই ছ’চাইটিটোৰ তৰফৰ পৰা হাউলী চাৰিআলিৰ বিভিন্ন স্থানত বৃক্ষৰোপণ কাৰ্যসূচী ৰূপায়ণ কৰে। উক্ত কাৰ্যসূচীত সাংবাদিক দিদাৰ হুছেইন,ৰফিকুল ইছলাম খান, সমাজ কৰ্মী ভূদেৱ পাঠক, পূৱ বৰপেটা ছ’চিয়েল ওৱেলফেয়াৰ ছ’চাইটিৰ সঞ্চালক মোবাৰক হুছেইন, মিজানুৰ ৰহমান আদি উপস্থিত থাকে।
