ডবকাত সমাজসেৱী সংগঠনৰ উদ্যোগত ক্ৰীড়া প্ৰতিযোগিতা

ডবকাঃ দেশৰ ৭৩ তম স্বাধীনতা দিৱস উপলক্ষে ডবকাৰ প্ৰতিষ্ঠিত সমাজসেৱী সংগঠন ফাতিমা ৱেলফেয়াৰ ফাউণ্ডেছনৰ উদ্যোগত ডবকা ফৈয়াজ আলী চৌধুৰী খেলপথাৰত ছাত্ৰ-ছাত্ৰীৰ মাজত বিভিন্ন ধৰণৰ ক্ৰীড়া প্ৰতিযোগিতা অনুষ্ঠিত কৰা হয়৷

ডবকাৰ কেইবাখনো শিক্ষানুষ্ঠানৰ ছাত্ৰ-ছাত্ৰীয়ে অংশ লোৱা এই প্ৰতিযোগিতাত বিজয়ী ছাত্ৰ-ছাত্ৰীসকলক বিভিন্ন ধৰণৰ পুৰষ্কাৰ প্ৰদান কৰি উৎসাহিত কৰা হয়৷

ফাতিমা ৱেলফেয়াৰ ফাউণ্ডেছনৰ সভাপতি আব্দুল জলিল, সাধাৰণ সম্পাদক জাহানাৰা বেগমৰ উপস্থিতিত বিজয়ী ছাত্ৰ-ছাত্ৰীসকলক পুৰস্কাৰ প্ৰদান কৰা হয় ৷ এনে ক্ৰীড়া প্ৰতিযোগিতাই ছাত্ৰ-ছাত্ৰীৰ মানসিক উত্তৰণত সহায় কৰিব বুলিও উপস্থিত বিভিন্ন শিক্ষানুষ্ঠানৰ প্ৰধানসকলে মন্তব্য কৰে ৷