হোজাইৰ শংকৰদেৱ নগৰত ৭৩ সংখ্যক স্বাধীনতা দিৱস পালন

লংকাঃ হোজাই জিলাৰ বিভিন্ন চৰকাৰী আৰু বেচৰকাৰী অনুষ্ঠানত ৭৩ সংখ্যাক স্বাধীনতা দিৱস পালন কৰাৰ লগতে হোজাই জিলাৰ শংকৰদেৱ নগৰত ৭৩ সংখ্যক স্বাধীনতা দিৱসৰ দিনজোৰা কাৰ্য্যসূচীৰে শংকৰদেৱ নগৰৰ খেলপথাৰত স্বাধীনতা দিৱসৰ কাৰ্যসূচী পালন কৰা হয়। এই স্বাধীনতা দিৱসৰ কাৰ্যসূচীত হোজাই কলেজ, জাতীয় বিদ্যালয়, হোজাই ডনবস্ক হাইস্কুল, শংকৰদেৱ বিদ্যা নিকেতন আৰু বিভিন্ন বিদ্যালয়ৰ পৰা অহা শতাধিক ছাত্ৰ-ছাত্ৰীয়ে বিভিন্ন কলা-কৌশল প্ৰয়োগ কৰে আৰু ৰাজ্যৰ বিভিন্ন জাতি-জনগোষ্ঠীৰ নৃত্য, গীত পৰিবেশন কৰে।

অনুষ্ঠানটোত শ্বহীদ পৰিয়ালৰ ব্যক্তিয়ে অংশগ্ৰহণ কৰাৰ লগতে হোজাই জিলাৰ উপায়ুক্ত, আৰক্ষী অধীক্ষক আৰু গণ্য-মান্য ব্যক্তিসকলে অংশগ্ৰহণ কৰে। উল্লেখযোগ্য যে এই ৭৩ সংখ্যক স্বাধীনতা দিৱসৰ অনুষ্ঠানটোত বিভিন্ন বিদ্যালয়ৰ ছাত্ৰ-ছাত্ৰীকে ধৰি সহস্ৰাধিক স্থানীয় ৰাইজ উপস্থিত থাকে।