স্বেচ্ছাসেৱী সংগঠন "মাৰ্গ"ৰ অভিলাসী প্ৰয়াস

বৰপেটাঃ বৰপেটাৰ সনকুছি কলনিত অৱস্থিত স্বেচ্ছাসেৱী সংগঠন "মাৰ্গ"ৰ সদস্যসকলে ৭৩ সংখ্যক স্বাধীনতা দিৱস উপলক্ষে এক অভিলাসী পদক্ষেপ গ্ৰহণ কৰে। স্বেচ্ছাসেৱী সংগঠনৰ সদস্য সকলে বৰপেটা চহৰকে আদি কৰি বৰপেটা চৰকাৰী উচ্চতৰ মাধ্যমিক বিদ্যালয় খেলপথাৰত অনুষ্ঠিত হোৱা স্বাধীনতা দিৱসৰ কাৰ্যসূচীত নিৰাপত্তাৰ দায়িত্বত থকা আৰক্ষী আৰু অৰ্ধ সামৰিক বাহিনীৰ জোৱানসকলৰ মাজত শীতল পানীয় আৰু মেংগ’ ফ্ৰুটিৰ পেকেট বিতৰণ কৰে।

উল্লেখযোগ্য যে, সংগঠনৰ দুজনী যুৱতীয়ে ৰাখি বন্ধন উপলক্ষে আৰক্ষী তথা অৰ্ধ সামৰিক বাহিনীৰ জোৱান সকলক হাতত ৰাখি পিন্ধোৱা পৰিলক্ষিত হয়। প্ৰচণ্ড ৰ’দ, বতাহ, বৰষুণকো নেওচি নিজৰ কৰ্তব্য সম্পাদন কৰা আৰক্ষী অৰ্ধ সামৰিক বাহিনীৰ জোৱান সকলক স্বেচ্ছাসেৱী সংগঠন "মাৰ্গ"ৰ তৰফৰ পৰা শীতল পানীয় যোগান ধৰা কাৰ্যক আৰক্ষী অৰ্ধ সামৰিক বাহিনীৰ জোৱানসকলে ভূয়সী প্ৰশংসা কৰে।