ভোটাৰৰ সুবিধাৰ্থে আহি আছে ভিভি পেট মেচিন

কাজিৰঙাঃ লোকসভা নিৰ্বাচন চমু চাপি আহিছে।এইবাৰৰ নিৰ্বাচনত প্ৰথমবাৰৰ বাবে নিৰ্বাচন আয়োগে এক বিশেষ মেচিনৰ ব্যৱস্থা কৰিছে,যাক কোৱা হয় ভিভি পেট মেচিন।

ভোটদাতাই পচন্দৰ প্ৰাৰ্থীজনক ভোটদান কৰাৰ পাছতেই ভোটটো সেই নিৰ্দিষ্ট প্ৰাৰ্থীজনে লাভ কৰিছেনে নাই এই মেচিনটোৰ জৰিয়তে চাব পাৰিব।

এই মেচিনটোৰ বিষয়ে ৰাইজক অৱগত কৰোৱাৰ উদ্দেশ্যে বোকাখাত SVEEPৰ অধীনত আৰু মহকুমা প্ৰশাসনৰ উদ্যোগত বোকাখাতৰ বিভিন্ন স্থানত সজাগতা অনুষ্ঠানৰ আয়োজন কৰা হৈছে বুলি জানিব পৰা গৈছে।