হাটশিঙিমাৰীত স্বাধীনতা দিৱস উদযাপন

মানকাচৰঃ সমগ্ৰ দেশৰ লগতে দঃশালমাৰা মানকাচৰ জিলাতো জিলা প্ৰশাসনৰ উদ্যোগত খাৰুৱাবান্ধা উঃমাঃবিঃ খেলপথাৰত উলহ-মালহেৰে ৭৩ সংখ্যক স্বাধীনতা দিৱস উদযাপন কৰে৷ পুৱা ৯ বজাত জিলা উপায়ুক্ত আতিকা চুলতানাই ৰাষ্ট্ৰীয় পতাকা উত্তোলন কৰে৷ জিলাখনৰ উন্নয়ন আৰু প্ৰগতিৰ খতিয়ান দাঙি ধৰি মূল্যৱান ভাষণ দিয়ে উপায়ুক্ত আতিকা চুলতানাই৷

বিভিন্ন স্কুলৰ ছাত্ৰ-ছাত্ৰীৰ শোভাযাত্ৰা, সাংস্কৃতিক অনুষ্ঠান, সম্বৰ্দ্ধনা অনুষ্ঠান, চিকিৎসালয়ৰ ৰোগীক ফলমূল বিতৰণ, কণ-কণ ছাত্ৰ-ছাত্ৰীৰ মাজত খেল-ধেমালি প্ৰতিযোগিতা আদি বিভিন্ন কাৰ্য্যসূচীৰে পালন কৰে স্বাধীনতা দিৱস৷