ডিব্ৰুগড় বিশ্ববিদ্যালয়ত প্ৰদৰ্শিত হ'ল ৯৫ মিটাৰ দৈৰ্ঘ্যৰ ৰাষ্ট্ৰীয় পতাকা

খোৱাংঃ সমগ্ৰ দেশতে বৰ্ণাঢ্য কাৰ্যসূচীয়ে পালন কৰা হ'ল ৭৩ সংখ্যক স্বাধীনতা দিৱস। ডিব্রুগড় বিশ্ববিদ্যালয়টো দেশৰ স্বাধীনতা দিৱসৰ লগত সংগতি ৰাখি বৰ্ণাঢ্য কাৰ্যসূচীৰে এই দিৱস পালন কৰে। স্বাধীনতা দিৱসৰ এই মহান দিনটোত বিশ্ববিদ্যালয় খনৰ আছু গোটৰ উদ্যোগত আৰু মফিজুদ্দিন ছাত্ৰ নিবাস, মাইলছ ব্রন্সন ছাত্ৰ নিবাস, বিশ্ববিদ্যালয়ৰ ছাত্ৰ সমাজৰ সহযোগত প্ৰদৰ্শন কৰিলে ৯৫ মিটাৰ দৈৰ্ঘ্যৰ ৰাষ্ট্ৰীয় পতাকা।

বিশ্ববিদ্যালয়খৰ যুটীয়া পঞ্জীয়ক পৰমানন্দ সোনোৱালৰ উপস্থিতিত ছাত্ৰ-ছাত্ৰী সকলে পতাকাখন ঠাইতে ৰং বুলাই প্ৰদৰ্শন কৰে। আনহাতে দেশপ্ৰেমৰ এক সুন্দৰ প্ৰতিচ্ছবি দাঙি ধৰিবলৈ সক্ষম হোৱা ছাত্ৰ-ছাত্ৰী সকলৰ এই প্ৰচেষ্টাক সকলোৱে শলাগ লৈছে ।