মৈৰাবাৰীৰ ৰাজপথৰ পৰা দৰদী শিক্ষকে বৃদ্ধাশ্ৰমত চমজালে বৃদ্ধাক

মৈৰাবাৰীঃ মৰিগাঁও জিলাৰ মৈৰাবাৰীৰ তাতিকটাত এগৰাকী অসহায় বৃদ্ধা। ৰাজপথেৰে মানুহ আহিছে আৰু গৈছে। কিন্তু এই অসহায় বৃদ্ধাগৰাকীৰ খবৰ ল’বলৈ কাৰো সময় নাই। অৱশেষত আহিল মৈৰাবাৰীৰ এজন দৰদী শিক্ষক আজাহাৰ উদ্দিন আহমেদ। আজাহাৰ উদ্দিন আহমেদৰ লগতে মৈৰাবাৰী মহাবিদ্যালয়ৰ কেইজনমান ছাত্ৰ আহি বৃদ্ধাগৰাকীক ৰাজপথৰ পৰা উদ্ধাৰ কৰে। বৃদ্ধাগৰাকীৰ অৱস্থা একেবাৰে সংকটজনক।

বৃদ্ধাগৰাকীৰ শুশ্ৰূষাৰ বাবে তেওঁলোকে তাতিকঠাৰ মুকুলি আকাশৰ তলৰ ৰাজপথৰ পৰা উঠাই মৈৰাবাৰী প্ৰাথমিক চিকিৎসালয়ত নি চিকিৎসা কৰাই মৈৰাবাৰী জ্ঞান বিজ্ঞান পৰিষদৰ বৃদ্ধাশ্ৰমত চমজায় দিয়ে। এতিয়াৰ পৰা আইতাগৰাকী স্থায়ীভাবে জ্ঞান বিজ্ঞান পৰিষদৰ বৃদ্ধাশ্ৰমত থাকিব বুলি জনায়। দৰদী শিক্ষক আজাহাৰ উদ্দিনৰ এনে পদক্ষেপক সকলোৱে প্ৰসংশা কৰে।