কোকৰাঝাৰত বাংলাদেশৰ ছাত্ৰক আদৰণি

কোকৰাঝাৰঃ বাংলাদেশৰ পৰা কোকৰাঝাৰত শিক্ষাগ্ৰহণ কৰিবলৈ অহা ৭ জনীয়া শিক্ষাৰ্থীৰ দলটোক কোকৰাঝাৰত আদৰণি জনোৱা হয়। বড়ো সমাজৰ পৃষ্ঠপোষকতাত পঢ়িবলৈ অহা ছাত্ৰ ছাত্ৰীৰ দলটোক কোকৰাঝাৰত উষ্ম আদৰণি জনাই ৰাজ্যসভাৰ সাংসদ বিশ্বজিৎ দৈমাৰীয়ে এয়া শুভলক্ষণ বুলি মন্তব্য কৰি বাংলাদেশৰ বড়ো আৰু অসম তথা বিটিএডিৰ বড়োৰ মাজত সাংস্কৃতিক বিনিময় কাৰ্যসূচীৰ ওপৰতো গুৰুত্ব আৰোপ কৰে।

কোকৰাঝাৰ বিজ্ঞান মহাবিদ্যালয়ৰ প্ৰেক্ষাগৃহত আয়োজিত হোৱা আদৰণি তথা আপ্যায়ন অনুষ্ঠানত বড়ো সাহিত্য সভাকে ধৰি আন কেবাটাও দল সংগঠনে শিক্ষাৰ্থীৰ দলটোক আদৰণি জনায়। তদুপৰি উক্ত অনুষ্ঠানতে দুয়োখন দেশৰ সাংস্কৃতিক অনুষ্ঠানো পৰিৱেশিত হয়।