গোৰেশ্বৰৰ ৰাজপথত যুৱতীক শ্লীলতা হানিক কেন্দ্ৰ কৰি উত্তেজনা

গোৰেশ্বৰঃ গোৰেশ্বৰৰ ৰাজপথত যুৱতীক শ্লীলতা হানিক কেন্দ্ৰ কৰি উত্তেজনা। আৰক্ষীৰ সন্মুখতে গুৰুলা-গুৰুলকৈ ৰাইজে প্ৰহাৰ কৰে ই-ৰিক্সা চালকক। অৰ্ধ সামৰিক বাহিনীৰ তৎপৰতাত কথমপি প্ৰান ৰক্ষা চালকৰ। গোৰেশ্বৰৰ ৰেল গেটৰ সন্মুখত সংঘটিত হয় এই ঘটনা। আৰক্ষীয়ে আটক কৰে শ্লীলতাহানিকাৰী ইদুল আলিক। জানিব পৰা মতে ২ নং গোৰেশ্বৰৰ ই-ৰিক্সা চালক ইদুল আলী(২৫)য়ে যুৱতীক অশালীন ব্যৱহাৰ কৰাৰ অভিযোগত ভুক্তভোগী যুৱতীয়ে চালকক উত্তম-মধ্যম শোধায়।

হঠাতে সৃষ্টি হয় এক হুৱা-দুৱা পৰিবেশ। লগে লগে একাংশ লোক উপস্থিত হৈ ৰাইজেও উত্তম মধ্যম দিয়ে ইদুল আলীক| ঘটনাস্থলীত উপস্থিত হয় গোৰেশ্বৰ আৰক্ষী আৰু অৰ্ধ সামৰিক বাহিনী। অৰ্ধ সামৰিক বাহিনীৰ তৎপৰতাত কথমপি প্ৰান ৰক্ষা কৰি গোৰেশ্বৰ আৰক্ষী থানালৈ লৈ যায় ইদুল আলীক। এতিয়া গোৰেশ্বৰ থানাৰ আলহী ইদুল আলী|