জনীয়াঃ যোৱা ১২ আগষ্টত ঈদৰ দিনা কাদঙৰ কালামপুৰত নাও দুৰ্ঘটনাত নিহত পৰিয়াললৈ আজি ৰিপাব্লিক্যান পাৰ্টি অব ইণ্ডিয়া চমুকৈ আৰ পি আই দলৰ পৰা সাহায্য বিতৰণ কৰা হয়। আৰ পি আই বৰপেটা জিলা কমিটিৰ সভাপতি অধিবক্তা ছানোৱাৰ ৰহমানৰ নেতৃত্বত আজি কালামপুৰত নাও দুৰ্ঘটনাত নিহত পৰিয়ালৰ অভিভাৱক আৰু অভিভাৱকা ক্ৰমে জয়েদা খাতুন, মৰ্জিনা খাতুন আৰু আব্দুল গণিলৈ চাউল, দালি, মিঠাতেল, চাবোন, ছয়াবিন, নিমখ, ছাৰ্ফ, মমবাতি, চিৰা, চেনি, নিহাৰ তেল, আলু, পিয়াঁজ আদি বহু সামগ্ৰী বিতৰণ কৰা হয়।
বিতৰণী অনুষ্ঠানত যুৱ নেতা অধিবক্তা ছানোৱাৰ ৰহমানে ভৱিষ্যতেও দুৰ্ভগীয়া পৰিয়ালটোক আৰু অধিক সহায় কৰাৰ আশ্বাস দিয়ে। উক্ত অনুষ্ঠানত আৰ পি আইৰ কৰ্মী মহিদুল ইছলাম, মোকাদ্দেছ আলী, নজৰুল ইছলাম, জহুৰুদ্দিন, আব্দুল হামিদ, আচান আলিম, বাবুল হাফিজ, বদৰ আলী, উদীয়মান যুৱক লূৎফৰ ৰহমান, সমাজকৰ্মী হাফিজ ইউছুফ আলী, ছামিউন নেছাকে ধৰি গণ্য মান্য ব্যক্তি উপস্থিত থাকে।
