পাঠশালাত কহিনুৰ থিয়েটাৰত অঘটনঃ বিদ্যুৎস্পৃষ্ঠ হৈ পোহৰ শিল্পীৰ মৃত্যু

বজালীঃ পাঠশালাত কহিনুৰ থিয়েটাৰত অঘটন৷ সোমবাৰে নিশা নাটকৰ আখৰাৰ মাজতে বিদ্যুৎস্পৃষ্ঠ হৈ এজন পোহৰ শিল্পীৰ মৃত্যু৷ মৃত শিল্পীগৰাকী বজালীৰ ভোটান্ত মহীতৰাৰ দেবেন ৰয় বুলি জানিব পৰা গৈছে৷ তেওঁ বহু বছৰ কহিনুৰত একেৰাহে পোহৰ শিল্পী হিচাপে কৰ্মৰত আছিল৷

প্ৰযোজক তপন লহকৰে মেডিকেললৈ আনে যদিও চিকিৎসকে তেওঁক মৃত ঘোষণা কৰে৷ প্ৰথম দৰ্শনী সমাপ্ত হোৱাৰ পিছত নাটকৰ বাবে কাৰিকৰী চমক সৃষ্টিৰ বাবে কাম কৰা ক্ষণতে সংঘটিত হয় দুৰ্ঘটনাটো৷