চিথিলাত ভয়ংকৰ পথ দুৰ্ঘটনাঃ সংকটজনক অৱস্থাত চিকিৎসাধীন এজন

কোকৰাঝাৰঃ বুধবাৰে দিনৰ প্ৰায় ২বজাত কোকৰাঝাৰ জিলাৰ চিথিলা হাইস্কুলৰ সমুখত সংঘটিত হয় এক ভয়ংকৰ পথ দুৰ্ঘটনা৷ ট্ৰাকৰ খুন্দাত গুৰুতৰভাৱে আহত হয় চিথিলা জাতীয় বিদ্যালয়ৰ প্ৰধান শিক্ষক জ্যোতিষ বৰ্মণ নামৰ এগৰাকী লোক৷ চিথিলা জাতীয় বিদ্যালয়ৰ পৰা চিথিলা বজাৰলৈ আহি থাকোতে ট্ৰাকে চাইকেলত থকা অৱস্থাত লোকজনক খুন্দিওৱাৰ ফলতে সংঘটিত হয় এই দুৰ্ঘটনা৷

দুৰ্ঘটনা সংঘটিত কৰা ট্ৰাকখনৰ নম্বৰ AS 17B 2531৷ বৰ্তমান চিথিলা আৰক্ষী পহৰা চকীয়ে আটক কৰিছে ট্ৰাকখনক৷ জানিব পৰা মতে দুৰ্ঘটনাত গুৰুতৰভাৱে আহত হোৱা লোকজনৰ ঘৰ চিথিলাৰ শংকৰপাৰা গাঁৱত৷ বৰ্তমান লোকজনক চিথিলা উপস্বাস্থ্যকেন্দ্ৰৰ পৰা কোকৰাঝাৰৰ এম আৰ এম হাস্পতাললৈ প্ৰেৰণ কৰা হৈছে৷