অভয়াপুৰীত ভয়ংকৰ পথ দুৰ্ঘটনা

অভয়াপুৰীঃ অভয়াপুৰীত পথ দুৰ্ঘটনা। অভয়াপুৰীৰ সমীপবৰ্তী বইটামাৰীত ৩১ নং ৰাষ্ট্ৰীয় ঘাইপথত সংঘটিত হয় এই দুৰ্ঘটনা। উত্তৰ শালমাৰা দিশৰ পৰা বইটামাৰী অভিমুখে গৈ থকা টাপাট্ৰাৰী উন্নয়ন খণ্ডৰ ফলক লগোৱা নম্বৰপ্লেট বিহীন বলেৰ’ আৰু বইটামাৰীৰ পৰা উত্তৰ শালমাৰা দিশলৈ গৈ থকা এম এল ১৩ ৮০৩৩ নম্বৰৰ বলেৰ’ পিক আপৰ মাজত মুখামুখি সংঘৰ্ষ হয়।

সংঘৰ্ষত ২৬ জন লোক আহত হয়। আহত কেইজন বইটামাৰী ক্ষুদ্ৰ স্বাস্থ্য কেন্দ্ৰত প্ৰাথমিক চিকিৎসা প্ৰদান কৰা হয়।গুৰুতৰভাবে আহত টাপাট্ৰাৰী উন্নয়ন খণ্ডৰ কৰ্মচাৰী ৰমজান আলী আৰু আলিউল ইছলামক চিকিৎসাৰ বাবে বঙাইগাঁৱলৈ প্ৰেৰণ কৰে। ঘটনাস্থলীত আৰক্ষী উপস্থিত হয়।