প্ৰকাশিত এন আৰ চিক লৈ মিশ্ৰিত প্ৰতিক্ৰিয়া মুছলিম ছাত্ৰ সন্থাৰ

বৰপেটাঃ শনিবাৰে প্ৰকাশ পোৱা এন আৰ চিৰ চূড়ান্ত তালিকাক লৈ মিশ্ৰিত প্ৰতিক্ৰিয়া প্ৰকাশ কৰিছে মুছলিম ছাত্ৰ সন্থাই ৷ সংগঠনটোৰ কেন্দ্ৰীয় সমিতিৰ সভাপতি জালালউদ্দিনে আজি সংবাদ মাধ্যমৰ জৰিয়তে জনায় যে, এন আৰ চিৰ কিছু বিসংগতিৰ বাবে বহু ভাৰতীয়ৰ নাম অন্তৰ্ভূক্ত নহ'ল ৷বিভিন্ন জাতি জনগোষ্ঠীৰ নাম এন আৰ চি ত অন্তৰ্ভূক্ত নোহোৱাৰ বাবে এন আৰ চি খন সম্পূৰ্ণৰুপে শুদ্ধ নহ'ল বুলি কব পৰাৰ থল থকা বুলি তেওঁ কয় ৷ 

কেইবা দশক পিছত এন আৰ চিৰ কাম কৰা বাবে কিছু বিসংগতি হোৱাতো স্বাভাবিক বুলিও তেওঁ মন্তব্য কৰে ৷বাদ পৰা ভাৰতীয় লোকসকলক পৰবৰ্তী সময়ত এন আৰ চিত অন্তৰ্ভূক্ত কৰাৰ বাবে চৰকাৰ তথা এন আৰ চি কৰ্তৃপক্ষক আহ্বান জনায় নেতাজনে ৷এন আৰ চিক লৈ যাতে কোনো ৰাজনৈতিক দলে ৰাজনৈতিক লাভালাভ আদায় কৰিব নোৱাৰে তাৰবাবে ৰাইজক সজাগ হৈ থকাৰ বাবে তেওঁ আহ্বান জনায়।