পমাতলি চাহ বাগিচাত চাফাই অভিযানৰ কাৰ্যসূচী

ডিব্ৰুগড়ঃ আজি ডিকমত ওলাই আহিল পুৰুষ মহিলাকে ধৰি এদল ছাত্ৰ-ছাত্ৰী। প্ৰত্যেকৰ হাতে হাতে ঝাড়ু, কোৰ, দা-কটাৰী আদি। পৰিবেশ পৰিচ্ছন্নতাই মানুহৰ স্বাস্থ্য নিৰোগী কৰি তোলাৰ শ্লোগানেৰে এ পি পি এল চাহ কোম্পানী অধীনস্থ ডিকম নাহৰতলি পমাতলি চাহ বাগিচাই আজি চাফাই অভিযানৰ কাৰ্যসূচী ৰূপায়ন কৰে। পমাতলি চাহ বাগিছাৰ ৰাজহুৱা অনুষ্ঠান প্ৰতিষ্ঠান, খেল পথাৰ, শ্ৰমিকৰ আবাসী কলনিৰ বাট পথসমূহত দীৰ্ঘ দিন ধৰি পৰিত্যক্ত অৱস্থাত থকা জাৱৰ জোথৰ আঁতৰাই কদৰ্যময় পৰিবেশ পৰিষ্কাৰ কৰি তোলে।