হোজাইত অবৈধ মাৰণাস্ত্ৰসহ বহিঃৰাজ্যৰ দুজন ব্যক্তি আটক

ডবকাঃ হোজাই জিলাৰ কপাহবাৰী চাৰিআলিত অবৈধ মাৰণাস্ত্ৰসহ দুগৰাকী ব্যক্তিক আটক কৰে মোৰাঝাৰ আৰক্ষীয়ে। আটক হোৱা ব্যক্তি দুগৰাকী হ’ল ছেলিম শ্বেখ আৰু যোগেশ্বৰী নাগৰাজ ৰামু৷ মোৰাঝাৰ আৰক্ষী থানাৰ ভাৰপ্ৰাপ্ত বিষয়া কবিৰ সিং লিম্বুৰ নেতৃত্বত চলা তালাচীত অবৈধ মাৰণাস্ত্ৰসহ ব্যক্তি দুগৰাকীক আটক কৰিবলৈ সক্ষম হয়৷

জানিব পৰা মতে আটকাধীন ব্যক্তি দুগৰাকীৰ ঘৰ মুম্বাইত। এখন চুইফট ডিজায়াৰ গাড়ীৰে আহি থকা অৱস্থাত কপাহবাৰী চাৰিআলিত আৰক্ষীয়ে তালাচী চলাই আটক কৰে ব্যক্তি দুগৰাকীক। চুইফট ডিজায়াৰ গাড়ীখন ঘটনাস্থলীৰ পৰা পলায়ন কৰে। মোৰাঝাৰ আৰক্ষীয়ে ব্যক্তি দুগৰাকীক আটক কৰি সোধপোচ অব্যাহত ৰাখিছে৷