বিজেপিত যোগদান যুৱনেতা সুকুমাৰ বিশ্বাসৰ

গুৱাহাটীঃ লোকসভা নিৰ্বাচনলৈ মাজত মাত্ৰ কেইটামান দিন থকাৰ প্ৰাকৰ্মূহুতত বিজেপিত নতুন নতুন মুখৰ আগমন ঘটিছে৷ ইতিমধ্যে ৰাষ্ট্ৰীয় দলটিত বহুকেইগৰাকী নেতাই যোগদান কৰাৰ সময়তে পুনৰ আন এজন প্ৰভাৱশালী নেতাই অংশগ্ৰহণৰ কথা ঘোষণা কৰে৷

আজি দিছপুৰ প্ৰেছক্লাৱত সংবাদ মাধ্যমৰ আগত সুকুমাৰ বিশ্বাসে ৰাষ্ট্ৰীয় দলটিত যোগদানৰ কথা সদৰি কৰে৷ বিশ্বাস সদৌ অসম বাঙালি যুৱ ফেডাৰেশ্বনৰ মুখ্য উপদেষ্টা, বাঙালি যৌথ সমন্বয় সমিতিৰ সভাপতি আছিল৷

উল্লেখ্য যে, এইদৰে অন্য দলৰ পৰা শাসনাধিষ্ঠ দলত যোগদান কৰাত তাৎপৰ্য বহন কৰিছে৷ এই যোগদানে আগন্ত্তক নিৰ্বাচনত কি দৰে সহায় কৰে সেয়া হ’ব লক্ষণীয়৷