গোগামুখত অংগনবাড়ী কৰ্মী সকলৰ সহযোগত সজাগতা অভিযান

গোগামুখঃ বৰদলনি সংহত শিশু উন্নয়ন প্ৰকল্প উদ্যোগত আৰু অংগনবাড়ী কৰ্মী সকলৰ সহযোগত সজাগতা প্ৰচাৰ অভিযান। মঙলবাৰে দিনৰ ১০ বজাত, বৰদলনি সংহত শিশু উন্নয়ন প্ৰকল্প উদ্যোগত আৰু অংগনবাড়ী কৰ্মী সকলৰ সহযোগত পোষণৰ ওপৰত বিশেষ ভাৱে ৰাইজ তথা মহিলা সকলক সজাগতা কৰা উদেশ্যৰে এক বিশাল পদ যাত্রা আয়োজন কৰে। উক্ত পদ যাত্রা বৰদলনি সংহত শিশু উন্নয়ন প্ৰকল্প কাৰ্যালয়ৰ পৰা বৰদলনি চাৰিআলি হৈ বৰদলনি উন্নয়ন খণ্ডত কাৰ্যালয়ত সামৰণি মাৰে। অনাময় আচঁনি সফল ৰূপায়ণ কৰা, গৰ্ভৱতী মহিলাক সুখাদ্য প্ৰদান কৰা, বাল্য বিবাহ বন্ধ কৰা, মহিলা সুৰক্ষাৰ প্ৰদান কৰা, শিশুসকলৰ বাবে পুষ্টিকৰ আহাৰ যোগান ধৰা, শিশুক মাতৃৰ দুগ্ধ প্ৰদান কৰা আদি শ্লগানেৰে সজাগতা ৰেলি ৰূপায়ন কৰে। উক্ত কাৰ্যসূচীত মহিলা বৰদলনি মাতৃ মহিলা সকলে অংশগ্ৰহণ কৰে।