লখিমপুৰঃ অতিশীঘ্ৰেই দৰমহা চুক্তি পুনৰ নিৰ্ধাৰণৰ দাবীত অসম চাহ কৰ্মচাৰী সংঘৰ অন্তৰ্গত লখিমপুৰ জিলাৰ আনন্দ চাহ বাগিচা কৰ্মচাৰী সংঘই আজি আধা ঘণ্টীয়া অৱস্থান ধৰ্মঘট ৰূপায়ন কৰে৷ আজি পুৱা ৭ বজাৰ পৰা ৭.৩০ বজালৈ আনন্দ চাহ বাগিচাৰ মুখ্য কাৰ্যালয়ৰ সন্মুখত আনন্দ চাহ বাগিচাৰ বিভিন্ন বিভাগৰ প্ৰায় অৰ্ধশতাধিক কৰ্মচাৰীয়ে হাতে হাতে প্লেকাৰ্ড, ফেষ্টুন লৈ প্ৰতিবাদ সাব্যস্ত কৰে৷
প্ৰতিবাদকাৰীসকলে সংশোধিত দৰমহা নিৰ্ধাৰণ কৰক, আমাৰ দাবী মানিবই লাগিব, মালিকপক্ষ মিছলীয়া, চাহ উদ্যোগ সংকট ভুৱা প্ৰচাৰ, অসম চাহ কৰ্মচাৰী সংঘ জিন্দাবাদ আদি বিভিন্ন শ্ল'গান দি উত্তাল পৰিৱেশৰ সৃষ্টি কৰে৷ উল্লেখ্য যে অসম চাহ কৰ্মচাৰী সংঘ আৰু বাগিচাসমূহৰ সমন্বয়ৰক্ষী সন্থাৰ মাজত হোৱা দৰমহা পুনৰ নিৰ্ধাৰণ চুক্তি অৱমাননা কৰাৰ প্ৰতিবাদত এই অৱস্থান ধৰ্মঘট পালন কৰে৷ আনহাতে ৪, ১০, ১১ ছেপ্টেম্বৰ তাৰিখেও অৱস্থান ধৰ্মঘট কাৰ্যসূচী পালন কৰিব আনন্দ চাহ বাগিচা কৰ্মচাৰী সংঘই৷
