ডবকাঃ হোজাই জিলাৰ নীলবাগান আৰক্ষী পহৰা চকীৰ পৰা পলাল চোৰ৷ হাতত থকা হেণ্ডকাফ খুলি আৰক্ষীৰ জিম্মাৰ পলায়ন কৰে এটি চোৰে৷ চোৰটোৰ নাম তাজ উদ্দিন ওৰফে চাজু৷ কেৱল চুৰিয়েই নহয়, এটি হত্যাৰ গোচৰতো অভিযুক্ত চোৰটো৷
আজি পুৱতি নিশা নীলবাগানৰ হেলাল উদ্দিনৰ ঘৰত চোৰ কৰিবলৈ গৈ ধৰা পৰিছিল চোৰটো৷ চোৰটোক ৰাইজে ধৰি নীলবাগান আৰক্ষী পহৰা চকীত চমজাই দিছিল৷ পিছত চোৰটোৱে কৌশলেৰে আৰক্ষীৰ জিম্মাৰ পৰা পলায়ন কৰে৷ ইয়াকে কেন্দ্ৰ কৰি নীলবাগানত ব্যাপক প্ৰতিক্ৰিয়াৰ সৃষ্টি হৈছে৷ ৰাইজে আৰক্ষীৰ বিৰুদ্ধে প্ৰকাশ কৰে তীব্ৰ বিষোদগাৰ৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।