খাৰুপেটীয়াত ভয়ংকৰ পথ দুৰ্ঘটনাঃ থিতাতে নিহত মহিলা

খাৰুপেটিয়াঃ দৰঙৰ খাৰুপেটীয়াত আজি সংঘটিত হয় এক ভয়ংকৰ পথ দুৰ্ঘটনা। ফলত থিতাতে নিহত হয় এগৰাকী মহিলাৰ। ঘটনা সম্পৰ্কে জানিব পৰা মতে AS-01 FC-1399 নম্বৰৰ গুৱাহাটী মুখী ১৪ চকীয়া ট্ৰাকখনে মহটিয়াই নিয়ে পথচাৰী মহিলা এগৰাকীক। দুৰ্ঘটনা সংঘটিত কৰি ঘটনাস্থলীৰ পৰা পলায়ন কৰে চালক আৰু পৰিচালক। খাৰুপেটীয়া আৰক্ষীয়ে মহিলাগৰাকীৰ মৃতদেহ উদ্ধাৰ কৰি মৰণোত্তৰ পৰীক্ষাৰ কাৰণে মঙলদৈ অসামৰিক চিকিৎসালয়লৈ প্ৰেৰণ কৰে। ইফালে দুৰ্ঘটনাত মৃত মহিলাগৰাকীৰ পৰিচয় উদ্ধাৰ হোৱা নাই। আনহাতে একাংশ স্থানীয় ৰাইজে খাৰুপেটিয়াস্থিত ১৫ নং ৰাষ্ট্ৰীয় ঘাইপথৰ কাষতে স্থাপন কৰা Weight bridge ৰ কাৰণেই সঘনাই দুৰ্ঘটনা সংঘটিত হোৱা বুলি অভিযোগ উত্থাপিত হৈছে।