উন্নয়নৰ ফোপোলা স্বৰূপ বিধ্বস্ত দৰঙৰ

খাৰুপেটিয়াঃ দলগাওঁ, মঙ্গলদৈ আৰু কলাইগাঁও সমষ্টিৰ হাজাৰ হাজাৰ লোকক জৰাজীৰ্ণ দলঙে যমৰ যাতনা দিছে ৰাইজক। মৰাবেগা বিল, কুঁৱৰীপুখুৰী, পানবাৰী চাহ বাগিচা আদি গাঁৱৰ ৰাইজে যাতায়ত কৰা একমাত্ৰ দলংখন বিধ্বস্ত হৈ পৰিছে। নব্বৈ দশকত নিৰ্মাণ কৰা মৰণফান্দ সদৃশ এই দলং খনে বহুতৰে জীৱনলৈ নমাই আনিছে ঘোৰ অমানিশা। সকলোৱে দলে বলে মৰাবেগা গাঁৱৰ জৰাজীৰ্ণ দলং নিৰ্মাণৰ দাবীত বিভিন্ন শ্লোগানেৰে প্ৰতিবাদ সাব্যস্ত কৰে তিনিওটা সমষ্টিৰ বিধায়ক তথা চৰকাৰৰ বিৰুদ্ধে। ৰাইজৰ প্ৰতিবাদক সমৰ্থন জনাই উপস্থিত থাকে দৰং জিলা কৃষক মুক্তি সংগ্ৰাম সমিতিৰ সাংগঠনিক সম্পাদক ছফিকুল ইছলাম। অতি শীঘ্ৰে এখন পকী দলং নিৰ্মাণ কৰাৰ বাবে চৰকাৰৰ ওচৰত দাবী জনায় ভুক্তভোগী ৰাইজে ।