গুৱাহাটীঃ এটা সন্ধানহীন ভাটৌৰ সন্ধান দিয়ক আৰু লাভ কৰক নগদ ৩০ হাজাৰ টকা। শুনিবলৈ আচৰিত যেন লাগিলেও এয়াই সত্য।
জজ’ নামৰ এটা ভাটৌ যোৱা ৩০ মাৰ্চৰ পৰা সন্ধানহীন হৈ আছে মহানগৰীৰ লালগণেশৰ নেতাজী এপাৰ্টমেণ্টৰ পৰা। ভাটৌটো নিজেই উৰি গ’ল নে কাৰোবাৰ চিকাৰ হ’ল সেয়া অজ্ঞাত।
এই পোহনীয়া ভাটৌটো মালিকৰ ইমানেই মৰমৰ আছিল যে সন্ধানহীন হোৱাৰ দিন ধৰি তেওঁলোকৰ দুখৰ দিন নাযায় নুপুৱাই হৈছে। অৱশেষত সেয়েহে জজ’ৰ সন্ধান দিওঁতাক ৩০ হাজাৰ টকাৰে পুৰস্কৃত কৰাৰ কথা ঘোষণা কৰিছে মালিকে।
এটি ভাটৌ আৰু মানুহৰ মাজৰ এনে মধুৰ সম্পৰ্কক মানুহে শলাগিলেও বনৰ পক্ষীক এনেদৰে সঁজাত বন্দী কৰি থোৱাতো কিমান যুক্তিসংগত সেয়াও প্ৰশ্ন তুলিছে একাংশই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।