হৰিশিঙাঃ ওদালগুৰি জিলাৰ পানেৰী আৰক্ষী চকীৰ অন্তৰ্গত গৰুৱাঝাৰত আজি আবেলি প্ৰায় ৫.১০ বজাত এক ভয়ংকৰ পথ দুৰ্ঘটনা সংঘটিত হয়।
ঘটনাৰ বিৱৰণী মতে যাত্ৰীবাহী বাহনখনৰ চালকে নিজৰ বাসভৱন দিশে তীব্ৰ বেগত আহি থকা অৱস্থাত তিলমায়া সোনাৰী নামৰ এগৰাকী মহিলাক পথৰ ওপৰেদি মহতিয়াই লৈ যায় ।
উক্ত ঘটনাৰ ফলত মহিলা গৰাকী পথৰ কাষৰ নলাত বাগৰি পৰে আৰু মূৰত গুৰুতৰ আঘাত পায়। দুৰ্ঘটনা সংঘটিত কৰি চালকজনে ঘটনাস্থলীৰ পৰা পলায়ন কৰে। স্থানীয় ৰাইজৰ সহযোগত গুৰুতৰ আঘাতপ্ৰাপ্ত মহিলাগৰাকীক টংলা চৰকাৰী চিকিৎসালয়ত ভৰ্ত্তি কৰোৱা হয় যদিও চিকিৎসালয়তে মৃত্যুবৰণ কৰে মহিলাগৰাকীয়ে।
উক্ত ঘটনাৰ ফলত দোষী চালকক কৰায়ত্ব কৰাৰ দাবীত পৰিস্থিতি উত্তাল হৈ পৰে যদিও পানেৰী আৰক্ষীয়ে ঘটনাস্থলীত উপস্থিত হৈ দোষীক শাস্তি প্ৰদানৰ আশ্বাস দিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।