বিজনীঃ চিৰাং জিলাৰ বিজনী-কুকলুুুং গড়কাপ্তানি পথৰ শিলবাৰীত সংঘটিত হোৱা পথ দুৰ্ঘটনাত এজন নিহত ব্যক্তি হোৱাৰ লগতে এজন লোক গুৰুতৰ ভাৱে আহত হয়। স্কুটী এখনেৰে বুটে নাৰ্জাৰী আৰু মৰ্দা খাকলাৰী নামৰ ব্যক্তি দুজনে বস্তাত ছাগলী লৈ পশু চিকিৎসকৰ ওচৰত গৈ থাকোতেই সামগ্ৰী কঢ়িওৱা মেজিক গাড়ীৰে হোৱা মুখামুখি সংঘৰ্ষত দুয়ো গুৰুতৰ ভাৱে আহত হয়।
দুৰ্ঘটনাত স্কুটীখনৰ অৱস্থা ধ্বংস হোৱা পৰিলক্ষিত হয়। আহত দুয়োজনক বঙাইগাঁৱৰ নাৰ্চিং হোমত ভৰ্তি কৰোৱা হয় যদিও চিকিৎসকে বুটে নাৰ্জাৰীক(৫০) মৃত ঘোষণা কৰে। দুৰ্ঘটনা সংঘটিত কৰা মেজিক গাড়ীখনৰ নম্বৰ এএচ ২৬চি_৪১৬০ আৰু স্কুটীখনৰ নম্বৰ আছে যদিও দুৰ্ঘটনাত স্কুটীখন ধ্বংস হোৱাত গাড়ীখনৰ নম্বৰ প্লেট বিচাৰি পোৱা নাই।
আহত-নিহত দুয়োজন লোক বিজনী মহকুমাৰ শিলবাৰী গাঁৱৰ বাসিন্দা। দাঁতিত পৰি যোৱা মেজিক গাড়ীখন আৰক্ষীয়ে জব্দ কৰিছে লগতে চালক জনক আটক কৰিছে| অৱশ্যে হেণ্ডিমেনজন পলাই সাৰে বুলি জানিব পৰা গৈছে|
