পৰিত্যক্ত অৱস্থাত বিদ্যুতৰ ট্ৰেন্সফৰ্মাৰ

গোৰেশ্বৰঃ গোৰেশ্বৰ ৰাজহ চক্ৰৰ অন্তৰ্গত কেৰ্পাভিঠাত পৰিত্যক্ত অৱস্থাত পৰি আছে এটা ট্ৰেন্সফৰ্মাৰ| নাই কোনো বিদ্যুৎ বিভাগৰ ব্যৱস্থা|যিকোনো সময়তে ঘটিব পাৰে অঘটন|অসম শক্তি বিতৰণ কোম্পানী লিমিটেড থকা ৰঙিয়া সংমণ্ডলৰ এই ট্ৰেন্সফৰ্মাৰটো এনেদৰে পৰি আছে । নাই কোনো সুৰক্ষা।

স্কুলীয়া ছাত্ৰ-ছাত্ৰী সকলে দুৰ্ঘটনাৰ পৰা ৰক্ষা পাবৰ বাবে এনেদৰে কাঠৰ বেৰা দি ৰাইজে আগুৰি ৰাখিছে ট্ৰেন্সফৰ্মাৰটো ৰাইজৰ অভিযোগ যে সময়মতে বিদ্যুতৰ বিল পৰিশোধ কৰা পিছতো কোনো কাণসাৰ নাই বিভাগীয় কৰ্তৃপক্ষৰ| সেয়ে বিভাগীয় কৰ্তৃপক্ষলৈ উক্ত ট্ৰেন্সফৰ্মাৰটোৰ প্ৰতি গুৰুত্ব প্ৰদান কৰি স্কুলীয়া ছাত্ৰ-ছাত্ৰীৰ লগতে সাধাৰণ পথচাৰীয়ে যাতে সুৰক্ষা পাই তাৰ বাবে বিভাগীয় কৰ্তৃপক্ষক দাবী জনাইছে কেৰ্পাভিঠা অঞ্চলবাসী ৰাইজে।