খয়াং: মৰাণৰ ডোমৰদলঙত থকা জৱাহৰ নৱোদয় বিদ্যালয়ৰ কোৱাৰেন্টাইন চেন্টাৰৰ ১১ জনকৈ লোকৰ দেহত ক'ভিড -১৯ পজিটিভ ধৰা পৰিছে ৷ আক্ৰান্ত ১১ জনৰ ভিতৰত ৩ জন টিংখাঙৰ, ৩ জন চাবুৱাৰ, ২ জন টেঙাখাটৰ, ১ জন নামৰূপৰ আৰু ২ জন ডিব্ৰুগড়ৰ বুলি জানিব পৰা গৈছে। তেওঁলোকৰ নাম ক্ৰমে চমাৰু উৰাং(২৮), অচ্যুৎ বৰুৱা (৪২), শৰৎ ধাদুমীয়া (২৫), আমিৰ দৰ্জী (২২), অজয় উৰাং(২২), অজয় উৰাং (২৪), ৰুবোল বৰা (২৭), টিমল তাঁতী (৪৮), ঘনকান্ত কোচ (৩৮), জয়ৰাম চোৰেন (২৬) আৰু লেঙগতা মোড়াৰী (৫৭)। আক্ৰান্তসকলক যোৱা ২৬ মে'ত এই কোৱাৰেন্টাইন চেন্টাৰটোত ভৰ্তি কৰা হৈছিল। আটাইকেইজন লোক বহিঃ ৰাজ্যৰ বিভিন্ন কোম্পানীত কৰ্মৰত হৈ আছিল৷
কালি নিশা ডিব্ৰুগড়ৰ লাহোৱালস্থিত ICMR-ৰ পৰা ঘোষণা কৰা ফলাফলত লোক কেইজন ক'ভিড ১৯ পজিটিভ ধৰা পৰিছে৷ আটাইকেইজনকে নিশা ১০৮ এম্বুলেঞ্চৰ সহায়ত ডিব্ৰুগড়ৰ AMCH-লৈ প্ৰেৰণ কৰা হৈছে ৷
