বঙাইগাঁৱত চোৰাং বালি কঢ়িওৱা বাহনৰ দৌৰাত্ম্য

বঙাইগাঁঁও: মংগলবাৰে বঙাইগাঁও বন সংমণ্ডলৰ অধীনৰ বিদ্যাপুৰত বালি কঢ়িওৱা মহেন্দ্ৰ পিকভানৰ খুন্দাত স্কুটী আৰোহী আহত৷ এ এছ -১৯চি-৪৩৮২ নম্বৰৰ মহেন্দ্ৰ পিকভানে মহতীয়াই নিয়ে এ এছ-১৯ এল- ৬০৭৫ নম্বৰৰ স্কুটী এখন৷ ফলত গুৰুতৰভাৱে আহত হয় স্কুটী আৰোহী জিন্টু বৰুৱা নামৰ এজন যুৱক৷ দুৰ্ঘটনা সংঘটিত কৰিয়ে বালি কঢ়িওৱা বাহনখনৰ চালক আৰু সহ চালক গৰাকী ঘটনাস্থলীৰ পৰা পলায়ন কৰে৷ পিছত জিন্টু বৰুৱাক সংকটজনক অৱস্থাত বঙাইগাঁৱৰ ব্যক্তিগত চিকিৎসালয়লৈ প্ৰেৰণ কৰে৷

উল্লেখ্য যে বাহনখনৰ বালি কঢ়িওৱা কোনো চালান নাছিল আৰু বিদ্যাপুৰ সংযোগী চম্পাৱতী নৈত দীৰ্ঘদিনৰে পৰা অবাধ গতিত খনন কাৰ্য চলি আছে ৷ ঘটনাটোৱে চাঞ্চল্যৰ সৃষ্টি কৰিছে বিদ্যাপুৰ অঞ্চলত ৷