বৰবাম বাগিচা ঘেৰাও শ শ প্ৰতিবাদী শ্ৰমিকৰ

আমগুৰিঃ বৰবাম বাগিচা ঘেৰাও কাৰ্যসূচী গ্ৰহণ কৰি অসম চাহ জনজাতি ছাত্ৰ সন্থা আৰু অসম চাহ মজদুৰ সংঘই কৰিছে তীব্ৰ প্ৰতিবাদ। শ শ প্ৰতিবাদী শ্ৰমিকে ঘেৰাও কৰিছে বাগিচাৰ মূল কাৰ্যালয়।

কিন্তু কিয় এই প্ৰতিবাদ? বৰবাম বাগিচাত দীৰ্ঘদিন ধৰি লেতেৰা পানী যোগান ধৰাৰ বিৰুদ্ধে তেওঁলোকে এই তীব্ৰ প্ৰতিবাদী কাৰ্যসূচী গ্ৰহণ কৰিছে।লেতেৰা পানী ব্যৱহাৰৰ ফলত বিভিন্ন সমস্যাৰ সন্মুখীন হৈছে শ্ৰমিকসকল।

অতি সোনকালে বিশুদ্ধ খোৱাপানী যোগান নধৰিলে তীব্ৰতৰ প্ৰতিবাদ সাব্যস্ত কৰাৰ হুংকাৰ দিছে অসম চাহ জনজাতি ছাত্ৰ সন্থা আৰু অসম চাহ মজদুৰ সংঘই।