অষ্টমস্থান দখলেৰে শিৱসাগৰলৈ গৌৰৱ কঢ়িয়ালে দেৱাশ্ৰীয়ে

আমগুৰি: অষ্টমস্থান দখলেৰে শিৱসাগৰ গৌৰীসাগৰলৈ গৌৰৱ কঢ়িয়ালে দেৱাশ্ৰী শইকীয়াই। শংকৰদেৱ বিদ্যামন্দিৰ, গৌৰীসাগৰৰ ছাত্ৰী দেৱাশ্ৰী। দেৱাশ্ৰীৰ সাফল্যত উৎফুল্লিত হৈ উঠিছে অঞ্চলবাসীৰ লগতে শংকৰদেৱ বিদ্যামন্দিৰৰ ছাত্ৰ-ছাত্ৰী আৰু শিক্ষক-শিক্ষয়িত্ৰীসকল।

গৌৰীসাগৰ মটীয়াঘাটৰ নিবাসী যাদৱ শইকীয়াৰ কন্যা দেৱাশ্ৰী। ভৱিষ্যতে চিকিৎসক হোৱাৰ আশা মেধাৱী ছাত্ৰীগৰাকীৰ। ছাত্ৰীগৰাকীয়ে অসমীয়াত ৯৬, ইংৰাজীত ৯৮, গণিতত ১০০, বিজ্ঞানত ৯৮, সমাজবিজ্ঞানত ৯৪, ঐচ্ছিক গণিতত ১০০ নম্বৰ লাভ কৰিছে।