ধন হৰলুকিৰ অভিযোগত আটক বৰপেটা চিকিৎসা মহাবিদ্যালয়ৰ কৰ্মচাৰী

 11/08/2020 - 13:44

 

বৰপেটাঃ বৰপেটা চিকিৎসা মহাবিদ্যালয় হাস্পতালৰ এজন কৰ্মচাৰীক বৰপেটাৰ আৰক্ষীয়ে আটক কৰে৷ চিকিৎসা মহাবিদ্যালয় হাস্পতালখনৰ লক্ষাধিক টকা আত্মসাৎ কৰাৰ অভিযোগত আৰক্ষীয়ে আটক কৰিছে কৰ্মচাৰীজনক। আটকাধীন কৰ্মচাৰীজনৰ নাম প্ৰণৱ কুমাৰ ৰাভা৷ আটকাধীন কৰ্মচাৰীজনে হাস্পতালখনৰ ধন জমা লোৱা কাউন্টাৰত কৰ্মৰত আছিল৷ জানিব পৰা মতে চিকিৎসা মহাবিদ্যালয় হাস্পতালখনত ৰোগীৰ পৰা বিভিন্ন শিতান আদায় কৰা ধন হাস্পতাল কৰ্তৃপক্ষক জমা দিয়া নাছিল কৰ্মচাৰীজনে৷

হাস্পতাল কৰ্তৃপক্ষই বহুবাৰ ধন জমা দিবলৈ কৰ্মচাৰীজনক জাননী জাৰি কৰিছিল যদিও কৰ্মচাৰীজনে প্ৰায় তেৰ লাখ টকা আত্মসাৎ কৰি টকাখিনি জমা দিয়া নাছিল৷ এই সন্দৰ্ভত চিকিৎসা মহাবিদ্যালয় হাস্পতালখনৰ অধীক্ষকে আৰক্ষীৰ ওচৰত এজাহাৰ দাখিল কৰাৰ পিছত আজি আৰক্ষীয়্ কৰ্মচাৰীজনক সোধ পোছৰ বাবে আটক কৰিছে৷ ইতিমধ্যে অভিযুক্ত প্ৰণৱ কুমাৰ ৰাভাৰ বিৰুদ্ধে ভাৰতীয় দণ্ডবিধি আইনৰ ২৩৬৩/২০২০/৪২০/৪০৯ ধাৰাত গোচৰ ৰুজু কৰা হৈছে।

PratibimbaLive's picture
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।

Theme Colors

Please select the following colors to preview different color schemes of the theme.